Dünya Azərbaycanlılarının Həmrəylik günü və Yeni il münasibətilə Şamaxıda bayram tədbiri keçirilib
PİA.AZ xəbər verir ki, bu gün Şamaxı şəhər İncəsənət Təhsili Mərkəzində Dünya Azərbaycanlılarının Həmrəylik günü və Yeni il münasibətilə bayram tədbiri keçirilib.
Tədbiri giriş sözü ilə açan rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Gülnisə Ələkbərova tədbir iştirakçılarını salamlayaraq onları qarşıdan gələn bayramlar münasibətilə təbrik edib, Ümummilli lider Heydər Əliyevin təşəbbüsü ilə təsis edilən Dünya Azərbaycanlılarının Həmrəylik gününün tarixindən danışıb.
Tədbir rayonun incəsənət ustalarının ifa etdikləri oynaq, şən musiqi nömrələri ilə davam edib.
Şaxta babanın və Qar qızın, nağıl qəhrəmanlarının çıxışları tədbirə xüsusi təravət və şuxluq gətirib.
pia.az