Ötən gecə saat 1 radələrində Ələt-Astara avtomobil yolunun Salyan rayonunun Yenikənd kəndindən keçən 38-ci km-də yanacaqdoldurma məntəqəsində operator döyülüb
Virtualaz.org saytının Şirvan bürosunun məlumatına görə, yanacaq doldurmaq üçün məntəqəyə daxil olmuş avtomaşının sərnişini – Bakı şəhər sakini, 1978-ci ildə anadan olmuş Sadıq Sadıqov operator – Salyan rayonunun Qırxçıraq kənd sakini, 1993-cü ildə anadan olmuş Nəbiyev Zamiq Ramiq oğlunu döyərək ona xəsarətlər yetirib.
Operator döş qəfəsi və çənə nahiyəsindən aldığı xəsarətlərlə Salyan Mərkəzi Rayon Xəstəxanasına yerləşdirilib.
Yaxınları ilə birgə toydan qayıdan Sadıq Sadıqovun sərxoş vəziyyətdə olduğu deyilir. O idmançıdır və Bakı şəhərində özəl mühafizə xidmətində cangüdən işləyir. Operator Zamiq Nəbiyev Salyan Mərkəzi Rayon Xəstəxanasına yerləşdirilib.
Faktla bağlı Salyan Rayon Polis Şöbəsində araşdırmalara başlanılıb.
pia.az