Ermənistan prezidenti Serj Sərksiyan Moskvaya rəsmi səfər edəcək
Musavat.com-un erməni mediasına istinadən verdiyi xəbərə görə, öz növbəsində Rusiya XİN rəhbəri Sergey Lavrovun da İrəvana səfəri nəzərdə tutulub.
Məlumatda deyilir ki, S.Lavrov erməni həmkarı Edvard Nalbəndyanın dəvəti əsasında Ermənistana gedəcək. Bununla bağlı Rusiya KİV-ləri də xəbər yayıb. “Ermənistan XİN rəhbəri məni İrəvana dəvət etdi və mən dəvəti qəbul etdim” deyə, S.Lavrov xəbəri təsdiqləyib. Səfər çərçivəsində iki ölkə arasında əlaqələr, həmçinin 102-ci Rusiya hərbi bazasının təhlükəsizliyi məsələsi müzakirə mövzusu olacaq. Qeyd edək ki, E.Nalbəndyan hazırda Rusiyada səfərdədir və 23 fevralda onun səfəri başa çatacaq.
pia.az