Manatın ikinci devalvasiyasından sonra tikinti materialları bazarında sementin də qiyməti qalxıb. Belə ki, 40 kiloqramlıq sement kisəsi əvvəllər 5 manata satılırdısa, devalvasiyadan sonra 50 qəpik bahalaşıb
Azərbaycanda istehsal edilən sementin qiymətinin bahalaşma səbəbi nədir?
Məsələ ilə bağlı musavat.com-a danışan tikinti üzrə ekspert Nüsrət İbrahimov bildirdi ki, Azərbaycanda sementin bahalaşması üçün heç bir səbəb yoxdur:
“Əgər sementin bahalaşması onun maya dəyəri ilə əlaqələndirilirsə, burada da qiymətlə hər hansı bir əlaqə görmürəm. Çünki istifadə edilən əsas xammalın hamısı Azərbaycanındır. Əhəng daşı, gil yataqlarımız var. Eləcə də sementin alınması üçün istifadə edilən digər materialların heç biri xaricdən alınmır. Bu səbəbdən sementin bahalaşması çox qəribədir. Yalnız zavodlarda olan avadanlıqlar xaricdən alınır. Həmin avadanlıqları isə bir dəfə alırlarsa 20 ilə yaxın istifadə edə bilirlər. Yəni, bu faktor da sementin bahalaşması üçün səbəb deyil. Mən özüm də sement istifadə edirəm. Ancaq bahalaşmanın səbəbini anlaya bilmirəm”.
Məsələ ilə daha ətraflı məlumat almaq üçün Azərbaycanın ən iri sement istehsalıçısı olan Holcim (Azərbaycan) ASC ilə əlaqə saxladıq. Lakin onlardan bu məsələyə münasibət ala bilmədik.
pia.az
Digərxəbərlər
Populyar xəbərlər
