Səlim Müslümov da “təmizliyə” başlayıb
Elnur Kələntərlinin işdən çıxarılması xəbəri yayıldı
Əmək və Əhalinin Sosial Müdafiəsi Nazirliyinin Aparat rəhbəri Elnur Kələntərli və başqa 50-yə yaxın əməkdaşın yeni nazir Səlim Müslümov tərəfindən işdən azad edildiyi haqda hafta.ichi saytına məlumat daxil olub. Məsələni dəqiqləşdirmək üçün saytın əməkdaşı E.Kələntərlinin özü ilə əlaqə saxlayıb. O, açıqlamasında xəbəri təkzib etməyib: “Bu barədə mətbuat xidməti ilə əlaqə saxlayın”.
Nazirliyin İctimaiyyətlə əlaqələr şöbəsinin müdiri İlham Məmmədov isə belə bir məlumatı olmadığını deyib: “Elnur Kələntərli hazırda işdədi. Səlim Müslümov nazir təyin olunandan sonra da heç kim işdən azad edilməyib”.