Səbaildə Ulu öndər Heydər Əliyevin anadan olmasının 95 illiyinə həsr olunmuş iməclik keçirilib

Azərbaycan xalqının Ümummilli lideri Heydər Əliyevin anadan olmasının 95 illiyinə həsr olunmuş tədbirlər paytaxtımızın Səbail rayonunda xüsusi təntənə ilə keçirilir

Əlamətdar günlə bağlı ərazidəki park və bağlarda genişmiqyaslı abadlıq-quruculuq işləri görülmüş, yaşıllıqlar salınmış, yeni ağaclar əkilib.

Ulu öndərin doğum gününə həsr olumuş növbəti genişmiqyaslı ağacəkmə aksiyası Səbail RİH tərəfindən məhz Ümummilli lider Heydər Əliyevin təşəbbüsü və bilavasitə iştirakı ilə keçən əsrin 70-ci illərində yaradılmış “Şıx” ərazisindəki “Dostluq parkı”nda rayonun idarə, təşkilat, müəssisələrinin, təsərrüfat xidmətlərinin işçiləri və rayon ictimaiyyətinin nümayəndələrinin, ümumilikdə 500 nəfərin iştirakı ilə keçirilib.

İməclik parkın bütün ərazisini əhatə edib. Ərazidə toplanmış daş və digər tullantılar bir yerə yığılaraq texnika vasitəsi ilə daşınıb. İştirakçılar küləyin əraziyə gətirdiyi selofan, kağız parçalarını yığışdırmış, əvvəlki illərdə əkilmiş ağaclara qulluq göstərilmiş, onların dibi açılıb, ərazi qurumuş otlardan təmizənib, ağacların qurumuş budaqları budanaraq ərazidən çıxarılıb. Parkda ağacların sulanması üçün çəkilmiş xətlər onların inkişafı üçün böyük əhəmiyyət kəsb edir.

Iməclik iştirakçıları parkın ərazisində 1000 ədəd Eldar şamı, zeytun və digər ağaclar əkmiş, ərazi quru ot və digər tullantılardan təmizlənib, əlavə olaraq əvvəl əkilmiş ağaclara qulluq göstərilibr.

Iməclikdə Bakıdakı İB məktəbləri sırasıda yer alan 6 nömrəli məktəb-liseyin kollektivi də fəal iştirak etmiş, balacalar təbiətin qorunması və yeni ağacların əkilməsinə öz töhfələrini veriblər.

Parkin yaradılması ekoloji problemlərin mövcud olduğu Bibiheybət buxtası və ümumilikdə Bakı şəhərindən cənub və qərb istiqamətində çıxış ərazilərinin ekoloji təmizliyi, gələcəkdə burada sağlam zonaların yaradılması istiqamətində görülən işlərə səbaillilərin töhfəsi olacaqdır.

Eyni zamanda Səbail Rayon İcra Hakimiyyətinin təşkilatçılığı ilə rayonun istirahət parkları və bağlarında güllərdən müxtəlif kompozisiyalar hazırlanıb.

Ulu öndərin ad günü ilə baglı həyata keçirilən abadlıq-yaşıllaşdırma işləri müdrik rəhbərin təbiətə, gözəlliyə olan sevgisi, Azərbaycan təbiətinin qorunması ilə bağlı tövsiyələrinin həyata keçirilməsinə töhfə olub.