Yüsibova Pakizə cərrahiyyə əməliyyatına alınıb
Samuxda bıçaqlanma hadisəsi baş verib.
"Report"un Qərb bürosu xəbər verir ki, hadisə rayonun Sərkər kəndində baş verib.
Kənd sakini, 1945-ci təvəllüdlü Yüsibova Pakizə Böyükkişi qızı kürəkəni tərəfindən bıçaqlanıb. Məlumata görə, qadına bud nahiyəsindən 1 bıçaq zərbəsi vurulub. Hadisəyə səbəb onun qızını kürəkənindən ayırmaq istəməsi olub. Belə ki, P. Yüsibova qızını ata evinə gətirib. Kürəkəni isə həyat yoldaşını evə gətirmək üçün onlara gedib. Bu zaman yaranan mübahisə zamanı kürəkən qaynanasını bıçaqlayıb.
Qadın hazırda cərrahiyyə əməliyyatı olunur. Onun vəziyyətinin orta-ağır olduğu bildirilir. Hadisəni törədən kürəkən isə polis əməkdaşları tərəfindən saxlanılıb.
Faktla bağlı araşdırma aparılır.
pia.az
Digərxəbərlər
Populyar xəbərlər
