Salyanda 2 azyaşlı uşaq zəhərlənib
Virtualaz.org saytının Şirvan bölgə müxbiri xəbər verir ki, nənəsi ilə birgə qəbiristanlığa gedən balaca qızcığaz yolda tapdığı boya qarışdırıcısı qabını su bilərək başına çəkdiyindən zəhərlənib.
Hadisə bu gün Salyan rayonunun Marışlı kəndində baş verib. Hadisə nəticəsində zəhərlənən 2012-ci ildə anadan olmuş Marışlı kənd sakini Əliyeva Nərmin Emin qızı olub.
Digər zəhərlənmə hadisəsi isə Salyan rayonunun Kürqaraqaşlı kəndində olub. Kənd sakini 4 yaşlı Səmədov Rəhman İlham oğlu evlərində təmir işləri aparılarkən nəzarətsiz qaldığından boya qarışdırıcısını içdiyindən zəhərlənib.
Hər iki uşaq zəhərlənmə diaqnozu ilə Salyan Rayon Mərkəzi Xəstəxanasına gətirilib və ilkin tibbi yardımdan sonra ambulator müalicə üçün evlərinə qayıdıb.
pia.az
Digərxəbərlər
Populyar xəbərlər
