Dələduzluqda təqsirləndirilən sabiq MTN polkovniki Vüqar Güləli və onunla ittiham olunan Ceyhun İbayev, Vüqar Əsədov, Anar İsmayılov, Nicat Əliyevin cinayət işi üzrə məhkəmə davam edib
Bakı Ağır Cinayətlər Məhkəməsində hakim Fikrət Qəribovun sədrliyi ilə keçirilən prosesdə Vüqar Güləli son söz demək üçün yenə vaxt istəyib: "Söhbət gedir, real məsələlər var bir az da vaxt verin. Olmasa demərəm. Sizi aldatmıram".
Zərərçəkmiş şəxs bildirib ki, Vüqar Güləli yenə hamını aldadır: "4 ildir nə deyirdisə indi də deyir. Onun sözünə inanmıram. Onun uşaqlarına yazığım gəlir. Keçən bayram getdim, gördüm vəziyyəti pisdir. Uşaqlarına bayram pulu verdim. Uşaqlar yaxşıdır, neyləsinlər atası belədir".
Hakim bildirib ki, Vüqar Güləliyə son söz üçün sonuncu dəfə vaxt verir
Qeyd edək ki, C.İbayev, V.Əsədov, V.Güləli, A.İsmayılov və N.Əliyev bir qrup vətəndaşın etibarından sui-istifadə edərək, onlara qarşı dələduzluq edib.
Belə ki, həmin şəxslər zərərçəkmiş Səriyyə Tahirovanın həyat yoldaşını həbsdən azad edəcəkləri vədi veriblər. Onlar qadının 147 min manat pulunu dələduzluq yolu ilə ələ keçirib. Bundan başqa, təqsirləndirilən şəxslər digər vətəndaşlara da qarşı dələduzluq ediblər. C.İbayev, V.Əsədov, V.Güləli və N.Əliyev Cinayət Məcəlləsinin 178.3.2-ci (dələduzluq, külli miqdarda törədildikdə) maddəsi ilə ittiham olunur.
V.Əsədov, A.İsmayılov və C.İbayev barəsində ev dustaqlığı qətimkan tədbiri seçilib.
Xatırladaq ki, V.Güləli ləğv edilmiş Milli Təhlükəsizlik Nazirliyinin (MTN) sabiq polkovniki olub. O, Laçın rayon şöbəsinin rəisi olub. V.Əsədov isə Pentensiar Xidmətini sabiq əməkdaşıdır.
pia.az
Digərxəbərlər
Populyar xəbərlər
