Sabah havanın temperaturu iqlim normasından yüksək olacaq
Sabah Bakıda 30 dərəcə isti olacaq. PİA.AZ-ın Ekologiya və Təbii Sərvətlər Nazirliyinin Milli Hidrometeorologiya Departamentinə istinadən verdiyi məlumata görə, mayın 26-da Bakıda və Abşeron yarımadasında 30 dərəcə temperatur gözlənilir.
Hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal küləyi gündüz cənub küləyi ilə əvəzlənəcək.
Havanın temperaturu gecə 14-17, gündüz 25-30 dərəcə isti olacaq.
Atmosfer təzyiqi normadan aşağı 758 mm civə sütunu, nisbi rütubət gecə 70-80, gündüz 45-55 faiz təşkil edəcək.
Azərbaycanın rayonlarında mayın 26-da hava şəraitinin əsasən yağmursuz keçəcəyi, axşam və gecə bəzi dağlıq və dağətəyi rayonlarda şimşək çaxacağı, qısamüddətli yağış yağacağı gözlənilir. Səhər bəzi yerlərdə duman olacaq. Şərq küləyi əsəcək, arabir güclənəcək.
Havanın temperaturu gecə 13-18, gündüz 26-31, dağlarda gecə 7-12, gündüz 15-20 dərəcə isti olacaq.
pia.az
Digərxəbərlər
Populyar xəbərlər
