Sabah Qazaxıstanın paytaxtı Astanada Avrasiya İqtisadi Birliyinin yüksək şurasının toplantısı keçiriləcək
Virtualaz.org Qazaxıstan KİV-lərinə istinadla xəbər verir ki, toplantıda birliyə üzv olan ölkələrin prezidentləri (Rusiya, Qazaxıstan, Belarus, Ermənistan və Qırğızıstan) iştirak edəcək.
Toplantıda birliyə daxil olan ölkələr arasında inteqrasiyanın dərinləşdirilməsi, o cümlədən ümumi neft, qaz və neft məhsulları bazarının formalaşdırılması müzakirə olunacaq. Toplantı çərçivəsində ikitərəfli görüşlərin keçirilməsi də planlaşdırılır. Kremlin mətbuat xidməti bildirir ki, Astanada prezident Vladimir Putinin qazax həmkarı Nursultan Nazarbayevlə ikitərəfli görüşü nəzərdə tutulub. Erməni qaynaqları isə Putinin Astanada Serj Sərkisyanla ikitərəfli görüşünün gözlənildiyini bildirir. Ehtimal olunur ki, bu görüşdə əsas diqqət Qarabağ münaqişəsi ətrafındakı indiki vəziyyətə ayrılacaq.
pia.az