Respublikaçı Alternativ Hərəkatının (REAL) icraçı katibi Natiq Cəfərli Gürcüstanın keçmiş prezidenti, Ukraynada Yeni Qüvvələrin Hərəkatı Partiyasının lideri Mixeil Saakaşvilinin bu gün Ukraynada həbsi ilə bağlı Facebook sosial şəbəkəsində maraqlı rəy yazıb.
PİA.AZ həmin statusu olduğu kimi təqdim edir:
“Saakaşvilinin Gürcüstan üçün etdikləri danılmazdır, adam sistemi dəyişdi, elə bir mexanizmlər qurdu ki, Gürcüstan artıq relsə düşüb, doğru yolla gedir. Amma onun Ukraynada etdiklərini anlamaqda çətinlik çəkirəm, atdığı addımlar mənə bir lətifəni xatırladır.
Vova dərsə gəlmir, səhəri günü məktəbə gələndə müəllimə soruşur ki, dünən niyə dərs buraxmışdın, dialoq:
Vova – Müəllimə, babam dünən öldü, ona görə gələ bilmədim.
Müəllimə - Vay-vay, nədən öldü?
Vova – Dünən evimiz yandı, babam da evdə idi...
Müəllimə - Yazıq, yandı öldü, eləmi?
Vova – Yox, yağnsöndürənlər gəlmişdilər, aşağıda onu tutmaq üçün batut açdılar, babam da 7-ci mərtəbədən, eyvandan batuta tullandı...
Müəllmə - Yazıq kişi, kənara, asfalta düşdü-öldü, eləmi?
Vova – Yox, batuta düşdü, amma amartizasiya etdi, yenidən evin eyvanına düşdü...
Müəllimə - Deməli yandı-öldü...
Vova – Yox, yenidən batuta tullandı...
Müəllimə - Bu dəfə başı alfalta dəyib öldü, hə?
Vova – Yox, bu dəfə də amartizasiya edib balkona qayıtdı...
Müəllimə - (düşünür) Bəs necə öldü axı?
Vova – Həm yanğınsöndürənləri, həm polisləri, bir sözlə hamını bezdirdi, axırda güllələdilər babamı...”
Xatırladaq ki, Gürcüstanın keçmiş prezidenti, Ukraynanın Odessa vilayətinin keçmiş qubernatoru Mixeil Saakaşvili Kiyevdə saxlanılıb.
Bu barədə M. Saakaşvilinin “facebook” səhifəsində yayımlanan canlı yayımda göstərilib. Onu hüquq-mühafizə orqanları əməkdaşları yaşadığı binanın damında tutublar.
Daha sonra Saakaşvilinin tərəfdaşları onu Ukrayna güc strukturlarına məxsus mikroavtobusdan çıxarıblar. M. Saakaşvili güc strukturlarının əməkdaşlarının əlindən çıxaraq tərəfdarlarının əhatəsində ərazidən uzaqlaşıb.
pia.az