Ukraynanın xarici işlər naziri Pavel Klimkin ölkə vətəndaşlarının DÇ-2018-in oyunlarına baxmaq üçün Rusiyaya getməsinin əleyhinədi
PİA.AZ komanda.az-a istinadən bildirir ki, Klimkin Rusiyanın işğalçı olduğunu bildirərək, həmvətənlərini bu ölkəyə getməməyə çağırıb. O, bildirib ki, ukraynalılar Rusiyanın bayramını pozmağa çalışmalıdırlar:
"Biz hazırda belə bir aksiya planlaşdırırıq: Rusiyaya gedən hər bir azarkeş Oleq Sentsovun, Vladimir Baluxun, Aleksandr Kolçenkonun portretlərini görməlidirlər. Onlar Rusiyanın işğal etdiyi Krımda həbs olunan vətəndaşlarımızdı.
Onların portretlərini görənlər başa düşməlidirlər ki, siyasi məhbusların olduğu, işğalçı bir ölkəyə gedirlər. Bu ölkə bütün beynəlxalq qanunları pozub. Biz də onların futbol bayramını pozmalıyıq".
pia.az