Rus politoloq İlham Əliyevin səfərini təhlil etdi

“Almaniya kansleri Angela Merkel Qarabağ konfliktinin həll edilməsində vasitəçi olmağa çalışır”

Bu açıqlama ilə rusiyalı politoloq Andrey Araşev çıxış edib.

“Merkel İlham Əliyevlə Berlin görüşü zamanı Cənubi Qafqazda gedən proseslərdə yaxından iştirak etmək barədə iddialı olduğunu ortaya qoydu. Çox güman ki, Avropa Birliyi münaqişənin nizama salınmasında müəyyən töhfələrini verəcək. Bununla bağlı olaraq Azərbaycan Avropa Komissiyası ilə danışıqlar aparacaq", - deyə Areşev bildirib.

Rusiyalı politoloq ATƏT-in Minsk qrupunu dəstəklədiyini, Rusiyanın münaqişənin həllində rol oynaya biləcəyini də qeyd etdiyini vurğulayıb:

“Rusiya, Ermənistan və Azərbaycan prezidentlərinin avqust görüşündən sonra cəbhədə baş verən itkilərdə Moskva ittiham edilirdi. Putinin görüşlər zamanı sülh barədə danışığının şübhə doğurduğu açıq-aydın sezilirdi. Azərbaycan-Ermənistan cəbhəsində artan gərginlik Rusiyaya sərf edirdi və o, bundan istifadə edərək vasitəçilik rolunu daha da artırdı. Ancaq Moskva çətin ki, münaqişəni həll etmək istəsin. Bu, neft və qazın tranziti üçün təhlükəlidir. Almaniya Dağlıq Qarabağ münaqişəsini diqqətdə saxlayır. İlham Əliyev Münhen Beynəlxalq Təhlükəsizlik konfransının sədri Volfqanq Fredrik İşinger ilə görüşü zamanı da bölgədəki durumu geniş müzakirə etdi, həmçinin Əliyevin Almaniya Xarici İşlər naziri Valter Ştaynmayerlə görüşü də AB-nin Qarabağ münaqişəsinin həllinə marağından xəbər verir”. (axar.az)