Sloveniyanın Maribor şəhərindəki qəbristanlıqda dünyada ilk dəfə olaraq rəqəmsal məzar daşı yaradılıb
Lent.az-ın “rosbalt.ru” saytına istinadən verdiyi məlumata görə, qeyri-adi qəbirüstü daş 17 il əvvəl vəfat edən Yanej Mlakarın məzarında quraşdırılıb.
Məzar daşının ekranı var və orada foto, video və digər kontent nümayiş etdirmək mümkündür. Məzar daşının istehsalçısı olan “Bioenergija” şirkətinin rəhbəri Saso Radovanoviç bildirib ki, ekranda istənilən qədər məlumat göstərmək olar. Əgər yaxınlıqda heç kəs yoxdursa, monitorda yalnız mərhumun adı, doğum və ölüm günləri göstərilir. Ötürücülər ziyarətçinin gəldiyini qeydə aldıqda isə yayım başlayır. Belə bir sistem enerjinin rasional sərf edilməsinə imkan verir.
Bundan başqa, Sloveniyada bu tip məzar daşları ilə əlaqə yarada biləcək smartfon üçün proqram əlavəsi də yaradılır.
pia.az