Bu gün Ağır Cinayətlər Məhkəməsində dələduzluqda təqsirləndirilən, Kürdəmir sakini Orxan Məmmədovun işi ilə bağlı məhkəmə prosesi başa çatıb
PİA.AZ lent.az-a istinadən xəbər verir ki, təqsirdilən şəxsə hökm oxunub. Məhkəmənin qərarı ilə təqsirləndirilən şəxs 7 il müddətinə azadlıqdan məhrum edilib.
Qeyd edək ki, hadisə keçən ilin dekabr ayında qeydə alınıb. Beləki, Kürdəmir Qaz İstismar Sahəsinin rəis müavini Orxan Məmmədov rayon sakinlərini aldadaraq ümumilikdə onlardan 1.760 manat məbləğində pul alması məlum olub.
O, sakinlərə həmin müəssisəyə işə düzəldəcəyini vəd verməklə yanaşı, rayon ərazisindən keçən qaz borusunu metal tullantısı kimi rayon sakininə 2.000 manata satmaqda, həmçinin rayon sakinləri tərəfindən qazdan istifadə ilə bağlı ödənilən 1.430 manat məbləğində pul vəsaitini mənimsəməkdə təqsirkar bilinib. O.Məmmədov Cinayət Məcəlləsinin 178.2.2 (dələduzluq), 178.2.3, 178.2.4, 179.2.2 (mənimsəmə), 179.2.3 və 179.2.4 -cü maddələri ilə ittiham olunub.
Digərxəbərlər
Populyar xəbərlər
