Müsavat Partiyasının sabiq başqanı İsa Qəmbər “Yeni Müsavat” qəzetinin baş redaktoru Rauf Arifoğlunun “Əməkdar jurnalist” fəxri adı almasına münasibət bildirib
İ.Qəmbər bunu R.Ariifoğlunun ölkə başçısı, prezident İlham Əliyevlə barışması kimi qiymətləndirib.
Baş redaktor Lent.az-a açıqlamasında İsa Qəmbərin sözlərinə münasibət bildirib. Rauf Arifoğlunun sözlərinə görə, ortada gözlənilməyən bir ssenari yoxdur.
Baş redaktor Müsavat Partiyasının sabiq başqanından belə münasibət gözləyib-gözləmədiyi ilə bağlı suala cavabında deyib ki, “filankəsdən bunu gözləmirdim” cümləsini ünvanına işlədəcəyi dostlarının sayı həddindən çox azdır.
İ.Qəmbərin bir zamanlar “Rauf Arifoğluna hücum Müsavat Partiyasına hücumdur” yanaşmasının niyə dəyişdiyi barədə isə baş redaktor bildirib ki, İ.Qəmbər bu sözləri deyəndə Müsavat Partiyasının başqanı idi, indi isə başqan deyil”.
pia.az