Qurban Qurbanovdan Yunuszadəyə növbəti ağır cəza

Milli komandadan qovulan “Qarabağ”ın futbolçusu Elvin Yunuszadəyə növbəti cəza verilib

“Qafqazinfo” xəbər verir ki, baş məşqçi Qurban Qurbanov bu gün “Sumqayıt”la yoldaşlıq matçından sonra keçirilən brifinqdə bu barədə məlumat verib.

O deyib ki, E.Yunuszadə “Qarabağ”ın əvəzedici heyətinə göndərilib.

Q.Qurbanovun sözlərinə görə, Elvinin daha öncə də nizam-intizamı pozduğunu və buna görə də qərarın təəccüblü olmadığını söyləyib:

“Mən futbolçunu cərimələmək istəmirəm. Çünki futbol oynadığım vaxt mənim də səhvlərim, özümü düzgün aparmadığım hallar olub. 5 ildir birgə işləyiriksə və mənim xarakterimi bilirsə, ona güvənərək, komandada saxlayıramsa, yeri gəlsə, cəzalandırmağa, belə qərarlar verməyə haqqım da var”.

Baş məşqçi A.Abdullayevə cəza almamasına səbəb olaraq onun komandaya yenicə qoşulduğunu və ona ümidlərin daha çox olduğunu deyib.

Qeyd edək ki, Elvin Yunuszadə ilə Araz Abdullayev Belarusla oyuna bir neçə saat qalmış yuxudan gec oyandıqları üçün baş məşqçi Qurban Qurbanovun keçirdiyi iclasa gecikiblər. Qurban Qurbanov bu hərəkətə görə Araz Abdullayevi bağışlayıb, Elvin Yunuszadəni isə millidən uzaqlaşdırıb.

pia.az