Müsavat Partiyası başqanlığına iddialı Qubad İbadoğlu mətbuat konfansı keçirir
Q.İbadoğlu bildirib ki, qurultaya bir neçə gün qalmış yenə media nümayəndələri ilə görüşməyi planlaşdırır:
"Mən bu güm həm də başqanlığa namizədliyimi rəsmən irəli sürürəm".
Q.İbadoğlu Qurultaya Hazırlıq üzrə Təşkikat Komitəsinin sədri İsa Qəmbərə ərizə ilə müraciət edib. Bununla da rəsmən namizədliyini irəli sürüb.
Q.İbadoğlu seçki platforması ilə bağlı danışaraq bildirib ki, partiyada yaxşıları saxlamaqla yeni yaxşılar yaratmaq niyyətindədir.
***
Q.İbadoğlu bu gün keçirdiyi mətbuat konfransında seçki platforması haqda danışıb:
"Mənim kifayət qədər geniş əlaqələrim var. Bundan da Qarabağ məsələsinin həllində istifadə edəcəyəm. Mən başqan olanda Azərbaycanın Avropaya inteqrasiyasını daim gündəmdə saxlayacağam. Mən Azərbaycanı Avropa Birliyi iləassosiativ sazişdə və Ümumdünya Ticarət Təşkilatında görmək istəyirəm. Mən partiyanı hakimiyyətə gətirmək istəyirəm və bunun seçki yolu ilə mümkün olduğunu düşünürəm.
İqtisadi tədqiqatlar mərkəzində, Mədən Sənayesində Şəffaflıq Koalisiyasında, Milli Büdcə qrupunun İdarə Heyətində və Azərbaycan Düşüncə Mərkəzlər Alyansında fəaliyyətimi dayandırıram".(qafqazinfo)