"Atletiko Madrid"in hücumçusu Antuan Qrizmannın gələcək taleyi hələ məlum deyil
PİA.AZ goal.az-a istinadən xəbər verir ki, fransalı futbolçu La Liqanın 38-cu turunda "Eybar"la matçdan öncə klub rəhbərliyinə qalmaq istədiyini bildirib. Futbolçu və klub Fernando Torresin vida matçını keçirməsi səbəbindən bunu açıqlamamaq qərarına gəlib.
Oyun zamanı bir qrup azarkeş Qrizmannı fitə tutub. Baş məşqçi Diyeqo Simeone onların 40-50 nəfər olduğunu deyib. 27 yaşlı futbolçu bu münasibətdən çox məyus olub.
"Atletiko" daha sonra "Barselona"nı azarkeşləri təxribata çəkməkdə ittiham edib. Madrid klubunun iddiasına görə, katalonlar mətbuatda Qrizmannla razılıq əldə etdikləri barədə xəbərləri yaymaqla qarşı tərəfin azarkeşlərini qıcıqlandırıb.
Hücumçunun baş verən xoşagəlməz hadisədən sonra fikrini dəyişib-dəyişmədiyi açıqlanmır. Onun yaxın ətrafı da yekdil məsləhət vermir. Bəziləri futbolçuya "Barselona"ya getməyi, həyat yoldaşı daxil olmaqla bir neçə dostu isə "Atletiko"da qalmağı tövsiyə edir.
pia.az
Digərxəbərlər
Populyar xəbərlər
