PİA.AZ Cənubi Qafqaz Təhlükəsizlik və Sülh İnstitutunun sədri, politoloq Məhəmməd Əsədullazadənin yazısını təqdim edir
Qarbağda Ermənistanın yaratdığı qondarma rejimə qarşı etirazların davam etməsi gözlənilir. Bu etirazlar, Paşinyan tərəfindən idarə olunmaqla hazırkı separtçıların, Serj Sarkisyan klanın üzvü Bako Saakyanın idarəçilikdən uzaqlaşdırılmasına hesablanıb. Bako Saakyan Paşinyanın formalaşdırdığı yeni idarə sistemi üçün arzuolunmayan şəxsdi və istənilən vaxt Paşinyana qarşı siyasi mübarizədə güc olaraq ortaya çıxa bilər.
Qarabağdakı ermənilərin etirazı ondan ibarətdir ki, yerli Sarkisyan klanından canlarını qurtarıb, özləri üçün Paşinyanın siyasi idarə sisteminin tətbiqini arzu edirlər. Ermənistanda baş verənlər bir başa Xankəndinədə özünü göstərməlidir.
Ümumiyyətlə, Xankəndində kimlərin yerli idarəçilikdə təmsil olunmasına baxmayaraq, bu Azərbayacan üçün önəmli deyil. Çünki, buradakılar Yerevanın qanunsuz təsis etdiyi qondarma qurumdur. Əsas tərəf və işğalçı ölkə Ermənistan olaraq, bir başa danışıqlara və ərazilərin boşaldılmasına məhkumdur. Sadəcə, Paşinyan çalışır ki, Xankəndində öz siyasi iradəsinə tabe olan şəxsi rəhbərliyə gətirsin. Bu dəyişikliyə Qarabağ klanın-başda Serj Sarkisyan olmaqla necə reaksiya verəcəyi gözlənilir. Qeyd edim ki, Serj Sarkisyan Qarabağda idarəçiliyin dəyişməsinə ciddi etiraz bildirə bilər və işdən çıxarılan generalları ətrafında toplamaqla Qarabağ kartı ilə yenidən siyasi səhnədə rol alar. Ona görədə Nikol Paşinyan Qarabağda baş verənlərlə bağlı təmkinli davranır, özünü növbədənkənar parlament seçkilərinə hazırlayır.
Seçki öncəsi Qarabağda baş verənlər sadəcə qığılcım olaraq qalır. Əsas proseslər parlament seçkilərində və sonrası yaşanacaq. Ermənistanda inqilab bitməyib, davam edir.
pia.az
Digərxəbərlər
Populyar xəbərlər
