Baş Prokurorluq Göyçay sakinin zəlzələ nəticəsində su quysuna düşərək ölməsi barədə yayılan məlumatlara münasibət bildirib
Baş Prokurorluğun mətbuat xidmətindən AzVision.az - a verilən məlumatda deyilir:
`Bəzi kütləvi informasiya vasitələrində Göyçay rayon sakini Ruhiyyə İbadovanın bu gün saat 09:49-da respublikanın şimal rayonlarında baş verən zəlzələ zamanı qorxaraq özünü su quyusuna atıb orada ölməsi barədə informasiyalar dərc edilib. Bununla əlaqədar bildiririk ki, sentyabrın 4-də saat 10:55-də Göyçay rayon prokurorluğuna rayonun Məlikkənd kəndində yaşamış, 1987-ci il təvəllüdlü Ruhiyyə İbadovanın elektrik cərəyanı vurması nəticəsində ölməsi barədə rayon Polis Şöbəsindən daxil olmuş məlumatla əlaqədar hadisə yerinə baxış keçirilib, meyitin müayinəsi aparılıb, məhkəmə-tibbi ekspertizası təyin edilmiş və digər zəruri prossesual hərəkətlər yerinə yetirilib.
İlkin araşdırmalarla müəyyən edilib ki, R.İbadova həmin gün saat 10.00 radələrində həyətyanı sahəsini suvarmaq məqsədi ilə yaşadığı evin yaxınlığından keçən arxın içərisinə quraşdırılmış mühərriki işə salan zaman ehtiyatsızlıqdan elektrik cərəyanı vurması nəticəsində 20 sm dərinliyində olan həmin arxa yıxılaraq orada vəfat edib.
Faktla bağlı rayon prokurorluğunda müvafiq araşdırmalar davam etdirilir və hadisənin zəlzələ ilə əlaqəli olması xüsusatları araşdırılır`.
pia.az
Digərxəbərlər
Populyar xəbərlər
