Prezident İlham Əliyev Quba rayonu İcra hakimiyyəti ilə bağlı sərəncam verib
Sərəncamda deyilir: “Mübariz Alı oğlu Ağayev Quba Rayon İcra Hakimiyyətinin başçısı vəzifəsindən azad edilsin”.
Xatırladaq ki, Mübariz Ağayev 2006-2007-ci illərdə Göyçay, 2007-2012-ci illərdə Mingəçevir Rayon İcra Hakimiyyətinin başçısı vəzifəsində işləyib. Prezidentin 15 mart, 2012-ci il tarixli sərəncamı ilə Quba Rayon İcra Hakimiyyətinin başçısı vəzifəsinə təyin edilmişdi.
Prezidentin bu gün imzaladığı digər sərəncamla Mənsur Həmzə Məmmədov Ucar Rayon İcra Hakimiyyətinin başçısı təyin edilib.
Dövlət başçısının digər sərəncamları ilə Yaşar Məmmədov Ucar Rayon İcra hakimiyyətinin başçısı vəzifəsindən azad edilib. Mübariz Ağayev isə Göyçay Rayon İcra Hakimiyyətinin başçısı təyin olunub.
Ucarın keçmiş başçısı Yaşar Məmmədov isə Quba RİH başçısı təyin edilib.
pia.az