Kolumbiya İnqilabçı Silahlı Qüvvələrinin (FARC) siyasi hüquqlarını qorumağa söz verirəm
Axar.az xəbər verir ki, bunu Kolumbiya prezidenti Xuan Manuel Santos qiyamçıların silahlarının təhvil verilməsi mərasimində çıxışı zamanı deyib.
“Mən FARC-ın siyasi və iqtisadi modelləri ilə razı deyiləm, amma onların hüquqlarını demokratiya çərçivəsində qoruyacağıma söz verirəm”, - Santos bildirib.
Qeyd edək ki, hökumətlə əldə edilən razılaşmaya əsasən, qiyamçılar avqustun 1-nə kimi silahlarını təhvil verməlidirlər. İyulun 31-dən isə FARC siyasi partiyaya çevriləcək.
pia.az