İspaniyanın “La Vanguardia” qəzetinin bu gün yaydığı məlumatda bildirilirdi ki, Barselonada terror aktını törətməkdə əsas şübhəli sayılan Yunus Əbu Yaqub əyalətin San-Sadurni-dAnoyya şəhərində tutulub
Yeri gəlmişkən, hadisədən sonra məlumat yayılmışdı ki, polis Barselona teraktı törədilərkən sükan arxasında olduğu ehtimal olunan 17 yaşlı Musa Ukabiri axtarır. Və cümə günü axşam məlum oldu ki, o, teraktda şübhəli bilinən digər dörd nəfərlə birlikdə asayiş keşikçiləri ilə atışmanın gedişatında məhv edilib.
Bir az öncə isə Kataloniya polisi yeni məlumat yayıb və təsdiq edib ki, terakt zamanı sükan arxasında mərakeşli Yunus Əbu Yaqub olub və o məhv edilib.
"Biz təsdiq edirik ki, Subiratse-də vurulan şəxs Barselonadakı terror aktının icraçısı Yunus Əbu Yaqub idi", —Kataloniya polisi Twitter-də bildirib.(virtualaz.org)
pia.az