Rusiyanın Sankt Peterburq şəhərində Əlimərdan bəy Topçubaşovun büstü qoyulub.
Bu barədə millət vəkili Adil Əliyev Facebook səhifəsində yazıb. Millət vəkili qeyd edib ki, MDB Parlamentlərarası Asambleyasının 17-18-də keçiriləcək iclasında iştirak etmək üçün Azərbaycan nümayəndə heyəti hazırda Sankt Peterburq şəhərindədir. Nümayəndə heyəti burada Çar Rusiyasında ilk Azərbaycanlı deputat Əlimərdan bəy Topcubaşovun büstünün açılış mərasimində iştirak edib.
Qeyd edək ki, nümayəndə heyətinə millət vəkilləri Arif Rəhimzadə, Elton Məmmədov, Mirkazım Seyidov daxildir.
(qafqazinfo.az)