Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Penitensiar Xidmət də Əfv siyahısındakı “səhv”lə bağlı məlumat yaydı


Azərbaycan Prezidenti İlham Əliyevin imzaladığı əfv sərəncamları bir qayda olaraq, növbəti gün ərzində təxirə salınmadan Penitensiar Xidmət tərəfindən icra edilir


PİA.AZ xəbər verir ki, Ədliyyə Nazirliyi Penitensiar Xidmətindən AzərTAC-a bildiriblər ki, məhkumların əfvlə bağlı müraciətlərinə aidiyyəti üzrə Azərbaycan Respublikası Prezidenti yanında Əfv Məsələləri Komissiyası tərəfindən baxılır və zəruri sənədlər Xidmət tərəfindən məhz Komissiyanın sorğusu əsasında təqdim olunur. 

Dövlət orqanları, qeyri-hökumət təşkilatları və hüquq müdafiəçilərinin nümayəndələrindən ibarət Əfv Məsələləri Komissiyası müzakirə zamanı hər bir məhkumun törətmiş olduğu cinayət əməlinin ictimai təhlükəlilik dərəcəsini, cinayət törətdiyi şəraiti, gələcəkdə təkrarən cinayət törətməməsi ehtimalını, yaşını, səhhətini, ailə vəziyyətini, cəza çəkdiyi müddətdə davranışını, səmimi peşmançılığını və digər xarakterik xüsusiyyətlərini nəzərə alır.

Azərbaycan Respublikası Prezidentinin “Məhkum edilmiş bir sıra şəxslərin əfv olunması haqqında” 2017-ci il 16 mart tarixli Sərəncamı da Ədliyyə Nazirliyinin məsul işçilərinin, Penitensiar Xidmət rəhbərliyinin, ədliyyə naziri yanında fəaliyyət göstərən İctimai Komitə üzvlərinin, kütləvi informasiya vasitələrinin, qeyri-hökumət təşkilatlarının, bir sıra dövlət orqanlarının, Əfv Məsələləri Komissiyasının nümayəndələrinin iştirakı ilə cəzaçəkmə müəssisələrində və istintaq təcridxanalarında martın 17-də tam icra olunub və adları göstərilən məhkumların azad edilməsi, cəza müddətinin azaldılması və cəzalarının digər cəza növü ilə əvəz olunması qüsursuz olaraq tam təmin edilib. Sərəncamın icrasının yekunları barədə aidiyyəti dövlət orqanlarına və ictimaiyyətə geniş məlumat verilib.

Son günlər bəzi kütləvi informasiya vasitələrində məhkum Mahmudov Elvin Bəxtiyar oğlunun əvəzinə eyni ad və soyadı daşıyan, lakin ata adı və təvəllüdü fərqli olan məhkumun əfv Sərəncamına görə səhvən azad edilməsi barədə yanlış və həqiqəti əks etdirməyən məlumatlar yayılıb. Halbuki məhkum Elvin Bəxtiyar oğlu Mahmudovun müvafiq sənədləri adi qaydada Əfv Məsələləri Komissiyasına təqdim olunub, lakin onun saxlandığı cəzaçəkmə müəssisəsində baş vermiş cinayət hadisəsi ilə əlaqədar məhkum E.Mahmudov istintaq orqanının “Həbs edilmiş şəxs qismində istintaq təcridxanasına keçirilməsi barədə” qərarına əsasən, Bakı istintaq təcridxanasına keçirildiyindən barəsində müraciətə baxılması təxirə salınıb. Bununla bağlı Azərbaycan Respublikası Prezidenti yanında Əfv Məsələləri Komissiyanın da mətbuata müvafiq açıqlaması olub. Məhkumun anası Bənövşə Mustafayeva Penitensiar Xidmətin rəhbərliyinin qəbulunda olarkən ona oğlu E.Mahmudov ilə bağlı mövcud vəziyyət tam və hərtərəfli izah edilib.

Qeyd olunmalıdır ki, hüquq müdafiəçiləri və o cümlədən vəkillər öz müvəkkillərinə onların hüquqları və hüquqi vəziyyətləri barədə dəqiq faktlara və qanuna əsaslanan dürüst izah verməli, müvəkkillərdə çaşqınlıq yaratmamalı, əsassız və həqiqətə uyğun olmayan ittihamlara yol verməməli, dövlətimiz tərəfindən cəza-icra siyasətinin həyata keçirilməsində aparılan islahatlar zəminində atılan ardıcıl və sistemli humanist addımlara kölgə salmamalıdırlar.

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Bakıda və üç rayonda qazın verilişində məhdudiyyət olacaq

Binə qəbiristanlığında çayxana tikilir? - Video

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ən çox oxunanalar