Ermənistanda keçirilən etiraz aksiyaları ilə bağlı həbs olunan Yelk fraksiyasının rəhbəri Nikol Paşinyan azadlığa buraxılıb
Tert.am bildirir ki, aprelin 22-də İrəvanda “vətəndaşları hökümətin legitimliyini tanımamağa səslədiyinə görə” həbs olunmuş Nikol Paşinyan bu dəqiqələrdə azad edilib.
Bu barədə onun vəkili Gevorq Qorgisyan məlumat verib. Onun sözlərinə görə, Paşinyanla yanaşı, Yelk fraksiyasının digər iki millət vəkili Sasun Mikaelyan və Ararat Mirzoyan da azad edilib:
“Onlar izahatları alındıqdan sonra yenidən xalqın – onların azadlığı üçün 10 saatdan artıq mübarizə aparan etirazçıların yanına qayıdıb”.
Qeyd edək ki, Nikol Paşinyan ötən gün baş nazir Serj Sarkisyanla görüşdən çıxarkən iqamətgahın önündə həbs edilmişdi.(lent.az)
pia.az