Bakıda şadlıq sarayında görünməmiş cinayət
Nizami rayonu ərazisində şadlıq saraylarında oğurluq etməkdə şübhəli bilinən şəxs yaxalanıb.
APA TV-nin məlumatına görə, RPİ 24-cü polis bölməsinin əməkdaşları Nazilə Ələsgərovanın şikayəti əsasında Göyçay rayon sakini, 26 yaşlı Rəhimova Vüsalə İlham qızını yaxalayıblar.
O, Mikayıl Əliyev küçəsində yerləşən restoranlardan birinin qarşısında saxlanılıb. Şübhəli oğurluq etdiyi restorandan çıxarkən tutulub.
İstintaqla müəyyən edilib ki, saxlanılan şəxs bu əməlləri 4 yaşlı övladının yanında edib. O, toy mərasimi zamanı zala daxil olaraq, bəyin iş yoldaşı olduğunu bildirib.
Təhqiqatçı Mehbalı Rzayev deyib ki, qadının oradan oğurladığı çantada 300 manat pul və “Samsung” markalı telefon olub.
Kamera qarşısında danışmaq istəməyən Vüsalə Rəhimova əməlinə ehtiyacının olması ilə haqq qazandırmaq istəyib. İndiyədək iki fakt təsdiqlənsə də, polis onun digər cinayətlərdə iştirakını istisna etmir.
Bu şəxsi görüb tanıyanların və ya onun əməllərindən zərər çəkənlərin polisə müraciət etmələri xahiş olunur.
Digərxəbərlər
Populyar xəbərlər
