“Bir daşla doqquz quş” layihəsində bu dəfə suallara politoloq Arzu Nağıyev cavab verir:
- Niyə varsan?
- Yaradan tərəfindən verilən funksiyanı yerinə yetirmək üçün.
-Niyə yox olacaqsan?
- Ömür adlı ayrılan zaman kəsiyi tamam olanda həmin yeri boşaltmaq üçün.
-Niyə yazırsan?
- Bu ilahi vergidən istifadə edib duyğularımı insanlara çatdırmaq üçün.
- Yaşamaq nədir?
- Həyat adlı bir məhfumun bütün üzünü görmək və düzgün nəticə çıxarmaq.
- Ölüm nədir?
- Yalan olmayan ən böyük duyğu…
- Ədalət nədir?
- Maddi, fiziki və ya mənəvi varından alçaltmaq üçün istifadə etməmək.
- Azadlıq nədir?
- İnsanın özü–özü üçün yarada biləcəyi bir seçim.
- Yaradıcılıq nədir?
- Başqaları üçün yaşanan, özün üçün təsəlli verən imkan.
- İnsan kimdir?
- Öz nəfsinə hakim kəsilə bilən, şüurlu canlı. (manera.az)
pia.az