Son 9 ayda nikaha girmək istəyən 107500 nəfər müayinə edilib
İl ərzində nikahların sayına uyğun olaraq 180 min nəfərin müayinə edilməsi nəzərdə tutulub.
Virtualaz.org saytı xəbər verir ki, bunu B.Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva bu gün keçirilən mətbuat konfransında bildirib.
Z.Əlimirzəyeva deyib ki, nikaha daxil olmaq istəyən 6222 nəfərin talassemiya daşıyıcı olması aşkarlanıb. 48 cütlüyün isə hər ikisində bu qan xəstəliyi aşkar edilib. 4-5 cütlük nikaha daxil olmaqdan imtina edib. Ancaq xəstə cütlüklərdən ailə quranlar da var. Həmin cütlüklərin genetik müayinəsi aparılır.
İnstitut rəhbəri əlavə edib ki, fevralın 23-də ilk dəfə Perinatal Mərkəzdə dölün perinatal diaqnostikası aparılıb və həmin döldə xəstəlik aşkarlanıb. İsmayıllı rayonundan gəlmiş həmin gənclərə bu barədə məlumat verilib. Onlar isə hamiləliyi başa çatdırmamaq qərarına gəliblər.
Z.Əlimirzəyeva 71 nəfərdə QİCS, 328 nəfərdə sifilis aşkarlandığını qeyd edib.
pia.az