Müsavat Partiyası Məclisinin növbəti iclasının vaxtı bəlli olub
Partiya başqanının müavini Elman Fəttah “Qafqazinfo”ya açıqlamasında bildirib ki, toplantı dekabrın 27-də keçiriləcək: “İclasda Məclis sədri, katibi, boş qalan sərbəst Məclis üzvlüynə seçkilər keçiriləcək. Həmçinin MNTK-ya boş olan 3 yer uğrunda seçki keçiriləcək. Məclis üzvlüyünə 30-dan artıq boş yer var. Namizədlərin qeydə alınması prosesinin ilk və son günləri elan olunacaq”.
Başqanlığa və Məclis üzvlüyünə sabiq namizəd Tural Abbaslı “Qafqazinfo”ya açıqlamasında bu seçkilərə qatılmayacağını bildirib: “Hələlik nə mənim, nə də tərəfdarlarımın hır hansısa seçkili orqanlara namizəd olmaq niyyətimiz var. Çünki seçkili orqanlara keçiriləcək seçkilərin nəticələri partiyanı daha da gücləndirməlidir.
Ancaq iştirak etdiyimiz seçkilər bizə göstərdi ki, partiya rəhbəliyi hələ də bu həqiqəti qəbul edə bilməyib.Təəssüf ki, partiya rəhbərliyi hələ də bu seçkilərə partiya daxili qrup savaşı kimi baxır. Odur ki, biz bu seçkilərdə iştirak edərək partiya daxili mövcud olan gərginliyi daha da artırmaqda bir məna görmürük. Düşünürəm ki, rəhbərlik belə seçkilərin nəticələrinin partiya daxili barışa və stabilliyə xidmət etməli olduğunu qəbul etməli və bu düşüncə tərzi ilə məsələyə yanaşmalıdır”.
Digərxəbərlər
Populyar xəbərlər
