Bu gün, iyunun 24-də mərhum prezident, Milli Azadlıq Hərəkatının lideri Əbülfəz Elçibəyin anadan olmasının 78 ili tamamlanır
Bununla əlaqədar Müsavat Partiyasının rəhbərliyi və bir qrup üzvü Fəxri Xiyabanda Əbülfəz Elçibəyin məzarını ziyarət ediblər.
Elçibəyin məzarı üstünə gül dəstələri qoyulub və burada Azərbaycanın himni oxunub.
Daha sonra Müsavat başqanı Arif Hacılı, Milli Strateji Düşüncə Mərkəzinin sədri İsa Qəmbər, Müsavat Məclisinin sədri Nüşabə Sadıxlı, İstiqlalçı millət vəkili İsgəndər Həmidov, Bütöv Azərbaycan Birliyinin təmsilçisi Aqil Səmədbəyli çıxış ediblər.
1938-ci ildə Ordubadın Kələki kəndində doğulan Əbülfəz Elçibəy 1960-cı ildə Bakı Dövlət Universitetinin şərqşünaslıq fakültəsini bitirib. Bir müddət Misirdə çalışıb, sonra Bakıda elmi-pedaqoji fəaliyyətlə məşğul olub.
1975-ci ildə antisovet təbliğatında günahlandırılaraq həbs edilib. 1977-ci ildə həbsdən buraxılandan sonra Əlyazmalar İnstitutunda işləyib.
1989-cu ildən Azərbaycan Xalq Cəbhəsinə (sonradan Azərbaycan Xalq Cəbhəsi Partiyası) sədrlik edib. 1992-ci il iyunun 7-də Azərbaycan prezidenti seçilib. 1993-cü ildə hərbi qiyam yolu ilə hakimiyyətdən devrilib.
1997-ci ildə paytaxta dönən Əbülfəz Elçibəy 2000-ci il avqustun 22-də vəfat edib.(musavat.com)
pia.az
Digərxəbərlər
Populyar xəbərlər
