Cümə, 22 Mart 2019
USD : 1.7
EUR : 1.996
Hava
+6 ° Baku
-0 ° Quba
-0 ° Qusar
+4 ° Gəncə
+5 ° Lənkəran
+3 ° Naxçıvan
+6 ° Salyan
+3 ° Şəki

Müəllimlərin yerdəyişməsi ilə bağlı qəbul başa çatıb

5857 nəfər ərizəsini təsdiq edib


Müəllimlərin yerdəyişməsi ilə bağlı sənəd qəbulu başa çatıb.

APA-nın xəbərinə görə, Təhsil İşçilərinin Peşə İnkişafı İnstitutu nəzdində İnsan Resursları Mərkəzinin müdiri Murad Camalzadə deyib ki, yerdəyişmə ilə bağlı 5628 vakansiya elan edilib.

Onun sözlərinə görə, 511 vakansiya Bakının payına düşür: "5857 nəfər iş yerinin dəyişdirilməsi üçün elektron ərizəsini təsdiq edib və onların ərizələrinə baxılır. Ölkənin bütün rayon və şəhər məktəblərində çalışan müəllimlər yerdəyişmə ilə bağlı müraciət edib".

Müəllimlərin yerdəyişməsinin səbəblərinin müxtəlif olduğunu vurğulayan M.Camalzadə qeyd edib ki, Təhsil Nazirliyi tərəfindən yerdəyişmə ilə bağlı hər hansı limit tətbiq edilməyib: “Müraciətlər arasında daha çox ibtidai sinif, fiziki tərbiyə, ingilis dili və riyaziyyat müəllimləri yer alıb. İyunun 14-nə kimi isə yerləşdirilmə prosesinin başa çatdırılması planlaşdırılır".

pia.az
Etiket:
loading...