AÇ-2018-in seçmə mərhələsində mübarizə aparan futzal üzrə Azərbaycan millisi bu gün qrupdakı son matçına çıxacaq
PİA.AZ apasport.az-a istinadən xəbər verir ki, yığmamızın son rəqibi Macarıstan olacaq.
Qrupdakı ilk iki oyununda qələbə qazanan Biro Jadenin yetirmələri üçüncü oyunda da qələbə qazanaraq mərhələni məğlubedilməz lider kimi başa vurmaq istəyir.
İlk matçında Bosniya və Herseqovinanı 5:4, ikinci qarşılaşmada isə Albaniyanı 5:0 hesabı ilə yenən millimiz bu dəfə də 3 xalı hədəfləyir. Ancaq liderlik üçün komandamıza 1 xal da kifayət edəcək.
AÇ-2018-in seçmə mərhələsi
B qrupu
III tur
17:30. Albaniya - Bosniya və Herseqovina
Hakimlər: Kostas Nikolaou (Kipr), Lars van Leuven (Hollandiya)
Bakı İdman Sarayı
20:00. Macarıstan - Azərbaycan
Hakimlər: Timo Onatsu (Finlandiya), Borislav Kolev (Bolqarıstan)
Bakı İdman Sarayı
pia.az