İqbal Ağzadə: “Ermənilər Həsən Həsənovun meyidini vermək istəmədikləri üçün dəfn ediblər”
Kəlbəcərə səfər əsnasında ermənilər tərəfindən öldürülən Həsən Həsənovun Azərbaycana verilməməsi və Qarabağda dəfn edilməsi əksəriyyət tərəfindən normal qarşılansa da, məsələyə fərqli rakursdan yanaşanlar da az deyil.
H.Həsənovun Azərbaycana verilməməsi necə dəyərləndirilməlidir? Bu, meyidə hörmət, yoxsa Azərbaycana göz dağı kimi anlaşılmalıdır?
Moderator.az-a açıqlama verən Ümid Partiyasının sədri, millət vəkili İqbal Ağazadə bunu ermənilərin H.Həsənovun meyidini Azərbaycana vermək istəməmələri ilə əlaqələndirdi:
“Hesab edirəm ki, burada məqsəd meyidə olan ehtiramı göstərmək olmayıb. Sadəcə olaraq, ermənilər H.Həsənovun meyidini vermək istəmədikləri üçün orada dəfn ediblər”.