Qatarda texniki nasazlıq olduğundan depoya göndərilib
Bu gün saat 18:20 radələrində Nizami metro stansiyasında qatarların hərəkətində ləngimə olub.
PİA.AZ ans press-ə istinadən xəbər verir ki, "Dərnəgül-Həzi Aslanov" xəttində sərnişinlər 10-12 dəqiqə qatar gözləməli olublar. Bu isə metroda insan sıxlığına səbəb olub.
"Bakı Metropoliteni" QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev ANS PRESS-ə bildirib ki, bu gün saat 18:24 radələrində "28 May" metro stansiyasında "Dərnəgül-Həzi Aslanov" xətti ilə hərəkət edən 21 saylı qatarda texniki nasazlıq olub.
"Buna görə qatar tamamilə boşaldılıb və depoya göndərilib. Onun əvəzinə xəttə yeni qatar buraxılıb. Sərnişinlərin boşaldılması müəyyən vaxt apardığından Nizami metrosunda təxminən 10 dəqiqəlik fasilə yaranıb", - deyə Nəsimi Paşayev qed edib.
pia.az
Digərxəbərlər
Populyar xəbərlər
