PİA.AZ şair Nuri Əlizadənin “Metafora” şeirini oxuculara təqdim edir
Hər səhər ürəyini sulara sərib,
dalğalarla danışan o qadın-
Dənizin sevgilisi.
Hər axşam ulduzları yanına çağıran
o kiçik pəncərə
Oğlumun əlləridi.
Bu həyat-
mələklərin qanadında gələn
Bir tanrı hədiyyəsi,
O ölüm-
bir gün ödəniləcək can vergisidir...
Beli bükük o ümid
mənim qocalıq rəsmim,
Qundaqdakı o qönçə
Gülün uşaqlığıdı.
...Payız- təbiətin şair görkəmi,
Bahar- ağacların ən xoş halıdı.
içdiyi göz yaşlarından
başı firlanan bu Yer
Dünyanın sərxoş halıdı...
Gülyanaq İsmayılqızı
pia.az
Digərxəbərlər
Populyar xəbərlər
