-1714033690.jpg&h=280&w=360&sc=1&q=100)
ABŞ-ın Los-Anceles şəhərinin qərbində, Brentvud səmtində Hollivud əfsanəsi Merilin Monronun bir zamanlar yaşadığı villa satılır
Bu villa M.Monroya məxsus olmuş yeganə daşınmaz əmlakdır.
Milli.Az ABC-yə istinadən bildirir ki, Latın Amerikası malikanəsi stilindəki villa 1929-cu ildə tikilib. Monro villanı 1962-ci ilin əvvəllərində, Klark Qeybl və Montqomeri Kliftlə tərəf-müqabil olduğu "The Misfits" filmi ekranlara çıxandan sonra satın almışdı.
36 yaşlı aktrisanın bu villaya 90 min dollar ödədiyi deyilir.
1962-ci ilin avqustun 5-də isə Merilin Monro həddən ziyadə yuxu dərmanı içərək ölmüşdü. Aktrisa Vestvud qəbristanlığında dəfn olunub.
4 yataq otağı və həyətdə hovuz olan villa Monronun ölümündən sonra dəfələrlə sahibini dəyişib.
Villanın indiki sahibləri onu 6,9 milyon dollara satırlar.
pia.az
Digərxəbərlər
Populyar xəbərlər
