Keçmiş «Qorotdel» rəisi yorulub
Tacikistan sürgünün ardından müəyyən müddətə işsiz qalan, sonradan Prezident Administrasiyasında Azərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri vəzifəsinə təyin edilən general-leytenant Məhərrəm Əliyev son günlərdə işə böyük fasilələrlə gəlir. Xatırladaq ki, Məhərrəm Əliyevin özünü yeni postunda diskomfort hiss etməsilə bağlı hələ xeyli əvvəldən məlumat vermişdik.
Ötürülən informasiyalardan aydın olur ki, PA rəhbərliyi üçün arzuolunmaz şəxs hesab olunan Məhərrəm Əliyev hələ də yeni görəvində uğurlu nəyəsə nail ola bilməyib: «Nəinki nail ola bilməyib, ümumiyyətlə, onun səlahiyyətlərinin nədən ibarət olması barədə dəqiq konturlar mövcud deyil. Elə buna görə də Məhərrəm Əliyevə yalnız müvafiq olaraq PA-ya ünvanlanan vətəndaş şikayətlərinin araşdırılması tapşırığı verilir. Bir növ məktublar şöbəsinin bir strukturunun rəhbəri kimi Məhərrəm Əliyevə yanaşılır».
Təbii ki, general-leytenantın mövcud mənzərə ilə barışmadığını bildirən mənbəmiz onun yeni işinə davamiyyət baxımından etinasız yanaşmasının nədəni kimi də qeyd olunan məqamı göstərməkdədir.
Məlumatlara görə, artıq PA-da işləmək istəməməsi barədə Məhərrəm Əliyev yaxınlarına da fikrini bölüşüb: «Amma ona himayədarları bildirib ki, seçkidən sonraya qədər səbr etməlidir».
Nə üçün? - Bunu artıq zaman göstərəcək…(dia.az)
Digərxəbərlər
Populyar xəbərlər
