-1715085125.jpg&h=280&w=360&sc=1&q=100)
Masallıda gecə 03-04 radələrində dəhşətli yanğın meydana gəlib
Masallı rayonunun Çayqırağı kənd sakini Şöhrətdin Məmmədova məxsus fərdi yaşayış evində güclü yanğın baş verib.
Ümumi sahəsi 380 kv. metr olan 2-mərtəbəli 8- otaqlı ev yanğın nəticəsində külə dönüb. Xoşbəxtlikdən, yanğın baş verən zaman evdə heç kim olmayıb. Ev sahiblərinin hazırda Rusiyada yaşadıqları bildirilir. Yanğının da məhz elə bunu bilən kimlərsə tərəfindən törədildiyi deyilir.
Belə ki, evin həyətindəki hasar naməlum şəxslər tərəfindən sökülüb, sonra evdə olan bahalı əşyalar oğurlanıb. Oğrular öz əməllərini gizlətmək və hadisənin izini itirmək məqsədilə daha sonra evə od vurublar. Hadisə baş verənə qədər qaz xətti bağlı olub ki, qazın da həmin vaxt oğrular tərəfindən açıldığı qeyd edilir. Buna səbəb kimi onların qonşu evlərə də zərər vurmaq niyyətində olduqları göstərilir.
Faktla bağlı araşdırma aparılır. (ans)
Digərxəbərlər
Populyar xəbərlər
