Birləşmiş Millətlər Təşkilatı Liviyada miqrantlar və qaçqınlarla bağlı ölkədə hökm sürən qeyri-insani situsiya haqqında bəyanat yayıb
ABŞ-ın CNN telekanalı isə bunula bağlı görüntülü sübutu təqdim edib. Telekanal insanların bazarlarda əşya kimi, qul statusu ilə hərraca çıxarıldığını görüntüləyə bilib.
“Onlar çox güclüdürlər və fermada işləmək üçün olduqca yararlıdırlar” - deyə Liviyanın kölə tacirləri öz “mallar”ını CNN-in kadrlarında fərəhlə nümayiş etdirirlər.
Qədim Romadan çəkilən filmləri xatırladan bu görüntülərin həqiqiliyi ABŞ telekanalı tərəfindən dəfələrlə təsdiqlənib. Burada Afrika və Saharanın cənubundan gələn miqrantlar açıq şəkildə hərracda satılır.
CNN-in xüsusi müxbiri Loren Səid Murhauz mövcud durumu aşağıdakı kimi təsvir edib: “Hər il müharibədən qaçan və Avropada əlverişli iqtisadi perspektiv axtaran on minlərlə insan Liviya sərhəddini keçməyə cəhd edir. Onların əksəriyyəti öz səfərlərini maliyyələşdirməkdən ötrü hər şeylərin satıb gedən adamlardır. Bu insanların bir çoxu qayıqlarla Aralıq dənizindən qitəyə keməyə cəhd göstərirlər. Lakin onların bütün cəhdlərinin qarşısı Liviya sahil sahil mühafizə gəmiləri tərəfindən alınır. Bu isə həmin qayıqlarda olan sərnişinlərin kölə tacirlərinin əllərinə keçməsinə səbəb olur. Beləliklə insan tacirləri ağalara, miqrant və qaçqınlar isə onların kölələrinə çevrilirlər”.
”.
CNN telekanalının çəkdiyi görüntülərlə bağlı olaraq Liviya hökuməti tədbirlər görüləcəyini bildirməklə kifayətlənib.
Liviyanın qeyri-leqal miqrasiya ilə mübarizə üzrə departamentinin yaydığı bəyanata görə, təkcə noyabrın əvvələrində 19,9 min adam qaçqınlar düşərgəsinə pənah aparıb. Bu, sentyabr ayındakı statistik rəqəmlərdən iki dəfə çoxdur.
BMT-nin insan hüquqları üzrə komissarı Zeyd Rəəd əl Hüseynin sözlərinə görə, BMT-nin müşahidəçiləri qapalı məkanlarda saxlanılan, əlləri-qolları bağlı olan kişiləri, qadınları və uşaqları görəndə şoka düşüblər. Bu adamlar kölə tacirləri tərəfindən sadəcə, yemək istədiklərinə görə hər gün döyüldüklərini, onlara qarşı elektroşok aparatından istifadə edildiyini, qadınların isə təcavüzə məruz qaldığını söyləyiblər.
BMT-nin komissarı Liviya hökumətini miqrantları düşərgələrdən xilas etməyə çağırıb: “Biz yeni dövrlərdə quldarlıq rejiminin bərpasına göz yuma bilmərik”.(musavat.com)
pia.az
Digərxəbərlər
Populyar xəbərlər
