Ötən gün Kür çayının Sabirabad rayonunun Muğangəncəli kəndindən keçən hissəsində paltarları sahildən tapılmış kənd sakininin meyiti bu gün səhər batdığı ehtimal edilən yerdən 20 metr aralıda aşkarlanıb
PİA.AZ FHN-in saytına istinadən xəbər verir ki, 1976-cı il təvəllüdlü Hüseynov Asəf Ağaqulu oğlunun cəsədi Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.
Əlavə edək ki, kənd sakinləri Kürdə boğulmuş A.Hüseynovun içki aludəçisi olduğunu deyirlər.
pia.az