“Telegram”ın bloklanması Rusiya iqtisadiyyatının rəqəmsallaşmasını çətinləşdirir
Lent.az-ın “İnterfaks”a istinadən verdiyi xəbərə görə, bunu Rusiyanın sabiq maliyyə naziri, Strateji Tədqiqatlar Mərkəzinin sədri Aleksey Kudrin deyib.
A. Kudrin bildirib ki, Rusiyada əməyin məhsuldarlığının artırılması sahəsində yeni imkanlar var. Yaxın illərdə rəqəmsallaşma bu göstərici üzrə artımın üçdə birini təmin etməlidir. Sabiq nazirin fikrincə, messencerin bloklanması məsələsi kifayət qədər düşünülməyib: “Mənə elə gəlir ki, bu qərar, bu əməliyyat kifayət qədər hazırlıq olmadan aparılıb. İstifadəçilər üçün bu cür nəticələr verən situasiya yaratmaq lazım deyildi”. O, nəticələrin çox ağır olduğunu söyləyib.
A. Kudrin qeyd edib ki, messencerin bloklanması onun təşəbbüskarlarının gözlədiyi nəticələri verə bilməz: “Şübhəsiz ki, təhlükəsizlik məsələsi əhəmiyyət daşıyır. Lakin bu addım bu cür nəticələnməməlidir. Dərhal görünür ki, bloklanmanın təşəbbüskarları bu addımlarının bütün nəticələrini dərk etməyiblər. Onlar ciddi düşünməli idilər”.
Xatırladaq ki, aprelin 13-də Moskva şəhər Taqansk rayon Məhkəməsi “Roskomnadzor”un iddiası əsasında “Telegram”ın bloklanması barədə qərar çıxarıb. Bu qərar messencer rəhbərliyinin istifadəçi məlumatlarına çıxış əldə etmək istəyən Rusiya Federal Təhlükəsizlik Xidmətinə (FSB) lazımi “açar”ları təqdim etməkdən imtinası ilə bağlıdır.
pia.az
Digərxəbərlər
Populyar xəbərlər
