İranlılarla “ATV-nin sabiq prezidenti arasında mübahisə yaranıb
Diasporla İş üzrə Dövlət Komitəsinin sədri Nazim İbrahimovun qardaşı, ATV kanalının sabiq prezidenti Tağı İbrahimov iranlı iş adamları ilə problem yaşayır.
PİA.AZ xəbər verir ki, bu barədə mia.az daxil olan məlumata görə, Nazim İbrahimovun qardaşına məxsus olan MMC ilə İran İslam Respublikasının «SAACO» şirkəti arasında biznes əlaqələri mövcud olub. Lakin sonradan tərəflər arasında ziddiyyət yaranıb. Buna görə iş məhkəməyə qədər çıxıb.
Məlumata görə, İran İslam Respublikasının «SAACO» şirkəti İbrahimovlara məxsus olan Azərbaycanın «AZACO» MMC ilə birlikdə, şəxsən Tağı İbrahimova məxsus olan «Kristal» Məhdud Məsuliyyətli Müəssisəsini də məhkəməyə cəlb eləyib: «Şirkətlər arasındakı müqavilə öhdəliyi və bu öhəlikdən yaranan maliyyə mübahisəsinə 1 saylı Bakı İnzibati-İqtisadi Məhkəmədə baxılıb. İş hazırda Bakı Apellyasiya Məhkəməsində hakim Valeh Ağayevin sədrliyindədir».
Məlumata görə, hakim iş üzrə sentyabrın 19-da prosesi davam etdirəcək.