Avstraliyanın “Creative Collective” nəşriyyatı sevgilisindən ayrılanlar üçün maraqlı kitab hazırlayıb
Kitab başdan-ayağa rəngli şəkillərdən ibarətdir.
“Xoşbəxt ol, axmaq” adlı kitabda keçmiş sevgiliyə ünvanlanan müxtəlif söyüşlər yer alır. “Creative Collective” heyəti bəyan edib ki, bu kitab ayrılıq ağrısı çəkənlərin yükünü azaltmağa, keçmişdə yaşananları beyindən silməyə hesablanıb. Söyüş və aşağılayıcı sözlərlə paralel, kitabda insana ruh yüksəkliyi verən frazalar da yer alıb: “Mən daha yaxşısına layiqəm”, “Anacanınla xoşbəxt yaşa”.
Kitabın müəllifləri bildiriblər ki, onların hər biri belə bir ayrılıq ağrısı yaşayıblar. “Biz qərar verdik ki, insanlara öz keçmiş sevgililərinə deyə biləcəkləri sözlərin toplusunu hazırlayaq. Və onlar anlasınlar ki, tək deyillər, onların yaşadıqlarını yaşayanlar olub və olacaq”.
Rəngli kitabı internetdə 8.5 dollara satın almaq olar.
pia.az