İspaniya Mülki Qvardiyası Kataloniyada müstəqillik referendumuna hazırlıq aparan 12 vəzifəli şəxsi həbs edib
Saxlanılanlar arasında Jeneralitetin (Kataloniya hökuməti) Telekommunikasiya və İnformasiya Texnologiyaları Mərkəzinin rəhbərləri, əməkdaşları, eləcə də Sosial məsələlər, İqtisadiyyat və maliyyə, Xarici işlər üzrə departamentlərin əməkdaşları da var. Onlar referendumla bağlı materialların yayılması ilə məşğul imiş.
Polis əməkdaşları tərəfindən hökumət binası və digər qurumlarda referendum hazırlığına dair sənədlərin axtarışı da başlayıb.
Podemos Partiyasının Kataloniya bölməsinin sədri Ksavyer Domenek hamını katalonların suverenliyi və hüquqları üçün öz güclərini səfərbər etməyə çağırıb. Onun sözlərinə görə, həbslər bütün sərhədlərin aşılması deməkdir.
Qeyd edək ki, Kataloniyada oktyabrın 1-də müstəqillik referendumunun keçirilməsi planlaşıdırılıb. Lakin mərkəzi hökumət və İspaniya Konstitusiya Məhkəməsi bunu qanunsuz sayır.(APA)
pia.az