Ermənistandakı etiraz aksiyalarının təşkilatçısı Nikol Paşinyan növbədənkənar parlament seçkilərinin keçirilməsinədək hökumətə başçılıq etmək istəyir
Avropa.info xəbər verir ki, Paşinyanın yaxın tərəfdarı Alen Simonyan Paşinyanın baş nazir vəzifəsini icra edən Karen Karapetyan ilə danışıqlar zamanı bu məsələni qaldıracağını deyib.
Paşinyan və Karapetyanın görüşü sabaha nəzərdə tutulub.
Simonyanın sözlərinə görə, Paşinyanın növbədənkənar seçkilərədək baş nazir olmaq istəyi Serj Sarkisyanın getməsindən əsas hədəfidir.
“Yeni baş nazir xalqın seçdiyi şəxs olmalıdır. Təbii ki, bu Paşinyandır” – Simonyan belə deyib.
O, xalq seçkisinin Respublika meydanında mitinqlərdən birində keçiriləcəyini bildirib. Bunun nə vaxt olacağını isə danışmaq tezdir.
Xatırladaq ki, dünən Ermənistanın baş naziri Serj Sarkisyan 13 apreldən bəri davam edən aksiyalardan sonra istefa vermişdi.
pia.az