Müsavat Partiyasının Divanında Müsavat Qadınlar Birliyinin növbədənkənar IV Ümumi yığıncağının hazırlanması və keçirilməsi üzrə Təşkilat Komitəsi yaradılıb
PİA.AZ xəbər verir ki, ötən gün TK-nin ilk iclası keçirilib. Divan üzvü, Nailə (Alya) Yaqublu Təşkilat Komitəsinin sədri, Məclis üzvü Könül Alıyeva isə sədr müavini seçilib. Komitə üzvləri arasında iş bölgüsü aparılıb. Ümumi yığıncağın 18 iyul 2015-ci il tarixdə keçirilməsi qərara alınıb.
Birliyin sədrliyinə, NTK və sərbəst şura üzvlüyünə namizədlərin irəli sürülməsi üçün 30 iyun saat 12:00-dan 13 iyul saat 13:00-a kimi vaxt müəyyən edilib. Ərizələrin Partiyanın Təşkilat Şöbəsinə təqdim edilməsi nəzərdə tutulub.
pia.az