Vladimir Jirinovski artıq Bakıdadır
Diplomatik mənbələrdən virtualaz.org saytına verilən xəbərə görə, LDPR liderinin uçduğu təyyarə saat 15:00 radələrində Bakı aeroportuna enib.
“Bu gün Rusiyanın Sosial-Demokrat Partiyasinin sədri Vladimir Jirinovski Azərbaycana səfərə gəlib. Səfər zamanı o, Milli Məclisin sədri Oqtay Əsədovla da görüşəcək”.
Bunu modern.az-a Milli Məclisin mətbuat katibi Akif Təvəkküloğlu deyib.
Akif Təvəkküloğlunun sözlərinə görə, Jirinovskinin bir çox yerlərdə görüşü gözlənilir: “Təbii ki, görüşdə iki ölkə arasında dostluq qruplarının üzvləri də iştirak edəcək. Jirinovski Bayraq meydanına gedəcək, Fəxri xiyabanda, Şəhidlər Xiyabanında olacaq. Onun rusdilli məktəblərə baş çəkəcəyi də gözlənilir”.